Працягваем пазванаваць нашу прыгажуню Беларусь разам з Holiday.by. Сёння мы пакажам фотакарткі з мястэчка якое не надта яшчэ раскручана ў турыстычнам плане, але, па традыцыі, мае патэнцыял. Гэта Сталовічы, Баранавіцскага раёна. Lets’go!
![](/files/byblog/69d830d8af09af4e9975d9e22bd9276c-thumb-780x1500-w.jpg)
![](/files/byblog/746ad3ba859592ed81655a0bc40a74cf-thumb-1400x1500-w.jpg)
Самі Сталовічы маюць даўнюю гісторыю, і згадваюцца яшчэ ў XIV стагоддзі, калі вялікі князь Вітаўт перадаў вёску Няміру Разановічу. У XVI ст. Сталовічы атрымалі статус мястэчка і уваходзілі ў склад Новагародскага павета Вялікага Княства Літоўскага. Найбольш вядомая старонка гісторы звязаная з гэтым мястэчкам з’яўляецца бітва пры Сталовічах 1771 года, калі войска Расійскай імперыі пад камандваннем Суворава разбіла войска канфедэратаў пад камандаваннем Міхала Казіміра Агінскага. І зараз, у памяць аб тых страшэнных падзеях у цэнтры мястэчка стаіць камень-помнік бітве пад Сталовічамі.
![](/files/byblog/5a2f83f0e67c186d2d4207a1fae15577-thumb-780x1500-w.jpg)
![](/files/byblog/76127f9364a35f6752f23a6cf11fd45d-thumb-1400x1500-w.jpg)
Камень месціцца каля выдатнага помніка нашага роднага віленскага баррока – былы касцел, а зараз Свята-Аляксандра-Неўская царква. Сам храм быў пабудаваны як каталіцкі ў 1740-1743, У 1863 годзе касцёл перабудаваны ў праваслаўны. Галоўнай архітэктурнай фішкай гэтай старадаўняй святыні з’яўляецца галоўны фасад складанай прасторава-аб’ёмнай кампазіцыі з 2 вежамі па баках падзелены раскрапаванымі антаблементамі на тры ярусы. Гэты храм, амаль ужо тры стагодззі з’яўляецца ўпрыгожваннем цэнтра Сталовіч, і паглядзець яго варта абавязкова.
![](/files/byblog/3dd0743a3ceb3dfe61598aa4936956e2-thumb-780x1500-w.jpg)
![](/files/byblog/02573326cb4f1b5a6ace6fe25158369d-thumb-1400x1500-w.jpg)
![](/files/byblog/561641092779cf38c879c420f9093a3c-thumb-780x1500-w.jpg)
Таксама ў Сталовічах есць яшчэ адзін прыгожы храм - Касцёл Найсвяцейшага Сэрца Ісуса, у стылі неоготыкі. Храм пабудаваны ў 1907—1911 гадах на ўскрайку Сталовіч, і з’яўляецца аднавежавай базілікай, і велічна глядзіцца пасярод сельскіх краявідаў.
![](/files/byblog/5f6071bee58b98b6106713df9cb37b9d-thumb-780x1500-w.jpg)
![](/files/byblog/e149f2d0a104db341f57a21faebcb109-thumb-1400x1500-w.jpg)
Сталовічы – тое мястэчка, дзе яшчэ захаваны сапраўдны каларыт былога Вялікага Княства Літоўскага, і раім яго наведаць. Тым больш, Сталовічы знаходзяцца ўсяго ў некалькіх кілометрах ад слаўнага города Баранавічы. Так што, заяжзайце да «чыгуначнай сталіцы Беларусі», падсілкуйцеся мясцовым хотдогам – «лодачкай», і напраўляйцеся ў Сталовічы, атрымліваць асалоду ад неаготыкі і барока!
![](/files/byblog/39545620c5b152fb8f52e8d78d4bf081-thumb-780x1500-w.jpg)
![](/files/byblog/c39cc051ea05cadd8d952495432ea2ee-thumb-1400x1500-w.jpg)
![](/files/byblog/06b9749e8c15a4186539ee5f0a402f3f-thumb-780x1500-w.jpg)
Подпишись на Holiday.by!
Только отборные материалы в наших каналах