“Масленіца на вузкай каляіне” – супольны праект ад 750mm.by этнаграфічнага клуба “Кола”, капэлы “Жыдовачка”, а таксама Дзітвянскага калектыву народнай творчасці.
Мы падрыхтавалі вам зусім незвычайную вандроўку, аб якой марылі некалькі год! У гэты раз усё будзе інакш! Калі на звычайных нашых вандроўках вузкакалейка гэта самамэта нашых блуканняў па краіне, то сёння яна нарэшце ператворыца з атракцыёна для турыстаў у сапраўдны транспарт! Сапраўдны, але ж усё ж такі незвычайны. А мо нават і чароўны! Няхай Новы год скончыўся, але напереадзе нас чакаюць вясновыя святы, якім нышыя продкі надавалі чароўны, сакральны сэнс. Масленіца і Гуканне вясны.
Свята паўсюдна чакалі з вялікай нецярплівасцю. Гаспадарчы і земляробчы сезон яшчэ не пачаўся і таму ўсе з задавальненнем гулялі на Масленіцу. Гэты тыдзень быў напоўнены святочнымі абрадавымі дзеяннямі, частаваннем, гульнямі і забавамі. Усе чакалі цёплай пары і сваімі дзеяннямі нібыта “выганялі” зіму.
Сама назва свята сведчыць аб перавазе малочных страў у гэты перыяд. Галоўная ежа на Масленіцу – масла, сыр, і канешне, бліны: жытнія, пшанічныя, грэчневыя, з маслам, з смятанай, з мёдам. Многія даследчыкі традыцыйнай культуры галосна гавораць, што бліны – гэта сімвал сонца. І што ужыванне такой сімвалічнай стравы паспрыяе набліжэнню вясны.
Але пры чым тут вузкакалейкі, запытаецеся вы? Тады заглянем глыбей у сакральны свет нашых продкаў!
У суботу і нядзелю моладзь каталася на канях, упрыгожаных стужкамі, званочкамі і шамкамі. Усюды гучалі песні, якія ўсхвалялі Масленіцу. На Масленіцу ездзілі на конях за вёску. Лічылася, чым далей ад’едзе моладзь ад сваёй вёскі, тым даўжэй вырасце лён у наступным годзе, тым лепшымі будуць каноплі.
Спадзяемся зараз вам стала зразумела, на якіх сталёвых канях мы вам прапануем пракаціцца? А разам з тым паспрыяем падаўжэнню далгунца і палепшым стаўленне да канопляў у тутэйшым грамадзтве.
Дык вось, у гэты дзень наш утульны маленечкі цягнічок прывязе сваех пасажыраў на святочную масленічную паляну!
На нашай паляне вас будзе чакаць сапраўдны музэй самай разнастайнай вузкакалейнай тэхнікі! Для вас будзе працаваць вагон-блінная, дзе вас пачастуюць галоўным сымбалям гэтага вясновага свята, вагон-відэасалон, дзе вы зможаце пазнаёмица з нашай калекцыяй архіўнага відэаматэр’ялу, прысвечанага вузкакалейкам, а сапраўдная чыгуначная платформа выступіць у якасці сцэны для нашых музыкаў! Таксама вы ўбачыце шэраг іншай цікавай тэхнікі.
Уся гэтая экспазіцыя зробіцца фонам для нашых галоўных забавак – традыцыйных беларускіх абрадаў гукання вясны, гульняў і майстар-класаў па танцах! А каб дадаць весялосць з намі будуць музыкі і “жывы гук”.
Каб вы канчаткова не разгубілі ўсе сілы падчас гульняў і весялосці, акрамя бліноў у “вагоне-рэстарацыі”, вас чакае сапраўдная палявая кухня і пахучы глінтвейн са стогадовага дравяного самавара!
Падрабязней
+375 (29) 509-19-42