Мінск па-беларуску: чым заняцца 8-14 лістапада?

Надвор’е надвор’ем, а сыходзіць у спячку ну ніяк нельга! Таму мы прапаноўваем анімэ па-беларуску, танцы па-украінску ды спевы па-сапраўднаму. Разнастайныя падзеі надыходзячага тыдня ў нашым аглядзе. Не прасьпіце самае цікавае :)

Праэкт “Кінаконг” запрашае кінааматараў на сямейны прагляд. Мультыплікацыйная камедыя “Мае суседзі Ямада” чакае нас у суботу, 9 лістапада, а 19:00. Гісторыя пра японскую сямейку, у якой цудоўна бачны звычаі, традыцыі ды звычкі іх культуры. І ўсё гэта - на беларускай мове! Арт-прастора “ЦЭХ” займела мяккія крэслы, новыя калонкі ды крэслы-мяхі, таму цяпер прагляды будуць яшчэ больш утульныя. Бярэм сям’ю, сяброў ды смела рушым глядзець на беларускамоўных японцаў.

Дзе: арт-прастора “ЦЭХ” (пр. Незалежнасці, буд. 58, к.6 - праход праз вуліцу П. Броўкі, левы пад’езд, другі паверх)

Калі: 9 лістапада, субота, пачатак а 19:00

Квіток: 25.000 дарослым, 20.000 навучэнцам ды дзеткам

Кантакты: +375(29) 686-83-33

“Мы… Мы хочам танцаваць!” - спяваў калісьці спадар Цой. Але яго словы актуальны і зараз, бо штотыдзень у Мінску з’яўляюцца новыя прапановы патанчыць у добрай кампаніі. Гэтым разам нас запрашаюць у кавярню “Планета зорак”. Усімі любімыя побытавыя танцы пад музычку ад капэлы “На Таку” будуць незвычайна спякотнымі, таму прыхапіце выдзіцы ды зручны абутак.

Дзе: кафэ “Планета зорак” (Старавіленскі тракт 41, Мінскі дзяржаўны палац дзяцей і моладзі)

Калі: 9 лістапада, субота, пачатак а 18:30

Квіток: 20.000 руб

Кантакты: +375(29) 774-36-15

У панядзелак на сцэне тэатра беларускай драматургіі адбудзецца “Канцэрт для сяброў” Алеся Камоцкага - вядомага беларускага паэта, музыканта ды кампазітара. Разам з ім публіку сустрэнуць музыкі Таццяна Беразоўская, Аляксандр Віслаўскі, Алена Віслаўская, Алег Змушка ды Анатоль Лабанок. Утульная атмасцера, тонкі гумар, сучасная паэзія ды сябры - усё гэта пра выступ спадара Камоцкага.

Дзе: Рэспубліканскі тэатр беларускай драматургіі (вул. Крапоткіна, 44)

Калі: 11 лістапада, панядзелак, пачатак а 19:00

Кантакты: +375(17) 237-46-56; +375(29) 154-04-44

Працяг канцэрту 1 гадзіна 20 хвілін.

На гэтым тыдні беларускія традыцыйныя танцы мы ўжо адтанчылі ў “Планеце зорак”, хопіць. Але ж сэрцайка ўсё адно хоча рухацца ў рытм з музыкай. Таму пяройдзем да суседскіх, украінскіх танцаў! Гапак, казачок, каламыйка… І гэта толькі верхавіна ўкраінскага айсбергу. Прыходзь ды танцуй, як танцавалі сапраўдныя казакі!

Дзе: Рэспубліканскі палац культуры імя Н. Ф. Шарко (вул. Уральская, 3)

Калі: 12 лістапада, аўторак, пачатак а 19:00

Квіток: 25.000 руб

Кантакты: +375(33) 603-72-52

Ведаеце цікавыя мерапрыемствы, якія засталіся па-за гэтым аглядам? Дзяліцеся ў каментарыях!